آشنالیک حقی! (اوزبیکی)

بیر کیشی بیرآونینگ اوینی اجاره گه آلیب نېچه وقت اۉشه یېرده یشه دی. کونلردن بیر کون او کیشی اۉزی یشه گن شهر دن چیقیب باشقه بیر ولایتگه باردی. او ولایت حکمداریگه منظور بۉلیب وزیرلیگ منسبی گه اېگه بۉلدی. اوی اېگه سی اویده اجاره گه اۉتیرگن کیشی نینگ وزیر بۉلگن لیگینی بیلیب، یاردم آلیش امیدی بیلن وزیر توتگن ولایتگه کېتدی. وزیر نینگ محکمه سی گه کېلیب ایچکری کیریشنی ایستگن اېدی، اېشیک یانیده تورگن خذمتچی قاراول قۉرشیلیک قیلیب اوندن:

- سېن قندی کیشی سن؟ هیچ کیمگه التفات قیلمی وزیر حضوریگه کیریشنی ایسته ی سن؟ دېب قۉیدی .اوی اېگه سی ایتدی:

- مېن وزیرنینگ آشناسی دیرمن، شونینگ اوچون شونده ی سوربېته لیککه قدم قۉیدم.

- وزیر بیلن قنده ی آشنالیگینگ بار؟ دېب سۉره دی قاراول.

- وزیر بیر وقت مېنیم اویمده اجاره گه اۉتیرگن اېدی، اېندی اوندن یاردم سۉره ب کېلدیم. شونده ی او مېنی محتاجلیک توبنلیگیدن عزت و حرمت بلندلیگیگه کۉتارسه، دېدی.

قاراول اوی اېگه سی نینگ سۉزلرینی اېشیتگچ، خو- خولب کولیب ایتدی:

- ای بېچاره آدم نادان کیشی اېکن سن، اویمده اجاره گه اۉتیرگن اوچون وزیر گه حقیم بار دېب بۉلمه گور نرسه نی بهانه قیلیب سن، بار اویینگه قَیت طعمه گیر بۉلیب یوریمه. وزیر اۉز اداره سیده بولرنینگ سۉزلرینی اېشیتیب تورگن اېدی. در حال قاراول نی چقیریب واقعه نی سۉره دی. قاراول تبسم قیلیب:

- بیر کیشی کېلیب: «مېن وزیر نینگ آشنا سی من، او بیر نېچه وقت اوییمده اجاره گه ا‌ۉتیرگندی. اېندی آشنالیک حقیمنی طلب قیلیب یاردم آلیش اوچون کېلدیم»، دېدی. مېن اونی حضورینگیزگه کیرگیزمی ملامت قیلیب جۉناتیب یوباردیم، دېدی.

وزیر قاراول نینگ اوی اېگه سیگه قیلگن معامله سیدن قیغوریب اونگه:

- یمان معامله قیلیب او بېچاره نینگ کۉنگلونی بوزگن سن، درحال اونی تاپیب قیتریب کېلتیر! دېب بویردی.

قاراول اوی اېگه سینی قیته ریب، وزیر حضوریگه کېلتیر دی. وزیر اوی اېگه سیگه کۉپ مهربانلیک کۉرساتدی. حال و احوالینی سۉره دی. بیر نېچه کون یانیده آلیب قالدی. عزت و حرمت بجا کېلتیردی، اونی مال و دنیا دن سربلند قیلدی، خاتین، باله چقه لری اوچون هم تحفه لر بېردی. کېلیب توریشینی اۉتینیب عزت و احترام بیلن اونی اۉز وطنیگه جۉنتدی، شونده ی قیلیب اوی اېگه سی سېونه- سېونه اوییگه قیتیب کېلدی. آشنالیک حقینی رویایی قیلیش منه شوندی بۉله دی.