بیر
کونی ایککی دؤست قیسی بیر چؤل ارا کیته یاتکن ایکن لر. بیر موضوع اوستیده
کیلیشه آلمسدن بیر- بیرلریدن اچچیق له شیب قالیب، اچچیقی دن بیری سی
ایککینچی سی نی قولاغی نینگ تگی گه قتیق بیر شَپّات بیلن اوریبتی.
ایککینچی سی بیر نیمه دیمسدن ساووق قانلیک بیلن چؤل قُملری اوستیده یازیبتی:«بوکون منی یخشی دؤستیم یوزیمگه بیر قتتیق شَپّات اوردی.»
ینه
یانمه- یان یؤل یوریبتیلر. یوریب- یوریب دریا یاقه سیده بیر آباده ییرگه
ییتیبتی لر. شو ییرده قالیش و آزگینه دم آلیش نی ایستبتی لر. ایککینچی دؤست
نینگ ایاغی تایریلیب دریاگه توشیبتی و سوزیش نی بیلمس لیگی طُفیلی
چوکیشیگه آز قالگنیده دؤستی یاردم بیریب اونی قوتقریبتی. قوتقریلگن دؤست
کؤپ قیین چیلیک بیلن بیر کتته تاش ده بو یازونی قازیب یازیبتی: «بوکون یخشی
دؤستیم منینگ جانیمنی قوتقردی.»
ایککینچی
دؤست حیرانلیک بیلن اوندن سؤره بتی: «او کون منی شَپّات بیلن اورگنیم نی
چؤل قُملریده یازگندینگ، اما نیگه منی قوتقرگنیم نی قینه لیب تاشنی قازیب
یازدینگ؟»
بیرینچی
دؤست کولگی سیره ب ایتیبی:«کیم که بیزنی قینه سه چؤل قُملری اوستیده
یازیشیمیز کیره ک تا کیچیریملی شماللر اونی اؤچیرسین، اما بیر کیمسه یخشی
لیگی نی هیچ قنده ی شمال خاطره میز دن اؤچیره آلمس لیگی اوچون تاش اوستیده
یازیشیمیز کیره ک.»
